"Наркостоп" - 2021 жылдан бастап жұмыс істейтін, Қазақстан жастары арасында есірткіге тәуелділікпен жүйелі түрде күресетін кешенді жастар жобасы. Жоба профилактика және есірткіге тәуелділерді оңалту инфрақұрылымын құру үшін сарапшыларды, еріктілерді, кәсіпкерлер мен мемлекеттік құрылымдарды біріктіреді.

Бұл неге маңызды?
Есірткі мәселесі қазіргі кезде ушығып тұр: Қазақстан есірткі тұтыну деңгейі бойынша әлемде 8-ші орында тұр. Елімізде ресми түрде есірткіге тәуелді 18 мыңнан астам адам тіркелген, олардың 3 000-ғажуығы - 18-29 жастағы жастар. Тіркелмеген жағдайларға байланысты тәуелділердің нақты саны 5 есеге дейін жоғары болуы мүмкін. Синтетикалық есірткінің таралуы ерекше алаңдаушылық тудырады: олардың тәркіленуі Қазақстанда соңғы жылдары 140 еседен астам өсті (7,7 кг-нан 1,1 тоннаға дейін). Бұл заттар арзан әрі қауіпті – сарапшылардың бағалауынша олар елдегі жыл сайынғы есірткі салдарынантіркелетін шамамен 800 өлімнің көбіне осы заттар себепші.

Неліктен "Наркостоп" ерекше?
Бұл Қазақстандағы кешенді профилактика мен оңалту арқылы тұрақты түрде сау өмір салтын қалыптастыруға жағдай жасайтын республикалық ауқымдағы жалғыз жоба. Жоба тәуелділікпен күрестің барлық кезеңдерін қамтиды - жастарды есірткіге тартудың алдын алудан бастап есірткіге тәуелді адамдар мен олардың отбасыларына көмек көрсетуге дейін. Қоғам үшiн пайдасы - жастар арасындағы есiрткi қаупiн төмендету, сауығуға ұмтылған адамдарды қолдау және қоғамның проблемаға деген көзқарасты өзгерту болып табылады. "Наркостоп" жобасының арқасында мыңдаған жастар позитивті қызметке тартылып,  есірткіге қарсы тұруға үлес қосуда. Бұл өз кезегінде нашақорлықтың таралуын азайтады. Сонымен қатар жоба есірткіге қатысты заңнаманы жетілдіруге атсалысып, мемлекет жүргізіп отырған есірткі қылмысына қарсы саясатты күшейтеді.